Tydens my omswerwinge as jagter en skrywer was ek bevoorreg om verskeie legendariese jagters te ontmoet. Bertie Guillaume was ’n man wat diep spore in die kommersiële jagwêreld getrap het (onder meer as ’n stigterslid van PHASA). Die toekenning van die gesogte Musgrave-trofee aan hom in 1986 was ook bewys van sy toewyding en prestasies as amateurtrofeejagter. In 2004 het ek hom in die Soutpansberg gaan opsoek om die verhaal van sy rekord-olifant eerstehands te hoor. Sy 114-ponder, wat later amptelik op 109 pond geweeg is, is immers steeds nr. 1 in die SAJWV se rekordboek.
Bertie het as kind al rooibokke in die Northam-omgewing gejag, maar kort ná hy in 1948 matriek geskryf het, het hy gaan boer; eers in die destydse Rhodesië en later in Zambië. Hier kon hy na hartelus jag en was
