Sonpanele: Veel meer voordele as kragopwekking
Eskom se probleme met stabiele en bekostigbare kragvoorsiening dwing ál meer huishoudings en boere om alternatiewe kragbronne te gebruik. Boonop het mnr. André de Ruyter, uitvoerende hoof van Eskom, onlangs gewaarsku Suid-Afrika sal toenemend aan beurtkrag uitgelewer word weens gebrekkige opwekkingsvermoë. Hy het daarom die departement van energie se besluit verwelkom om die private opwekking en moontlike verkoop van elektrisiteit makliker te maak.
Vir boere wat sonkragstelsels oorweeg, strek die voordele verder as bloot groter onafhanklikheid van Eskom. Hulle kan in die toekoms ook koolstofkrediete verdien wanneer sulke skemas algemener raak (sien die kassie “Verdien koolstofkrediete”).
Die sonpanele self kan ’n aanwins vir die boerdery wees. Deur sonpanele hoog genoeg op te rig, kan gewasse daaronder verbou
