Palmolie: Skielike skaarste skep vakuum om te vul

In ’n wêreldkonteks was palmolie tot dusver een van die goedkoopste en veelsydigste plantaardige olies. Trouens, prof. Ferdi Meyer en dr. Tracy Davids van die buro vir voedsel- en landboubeleid (BFAP) het reeds verlede jaar in ’n verslag gesê palmolie het tóé teen ’n prys verhandel wat sowat 25% laer as dié van sonneblom- en sojaboonolie was.

Sedert die eerste helfte van 2021 het die wêreldpryse van plantaardige olies egter net hoër en hoër begin styg. Afgesien van ontwrigte wêreldhandel en skeepsvervoer weens covid-19-inperkings is voedselproduksie belemmer deur droogtetoestande in Suid-Amerika en die oorlog in Oekraïne.

Gegewe die volgehoue voedselprysstygings het Indonesië, tot onlangs nog die wêreld se grootste uitvoerder van palmolie, aangevoer dat hy sy verbruikers daarteen moet beskerm. Gevolglik het hy die verbod op die uitvoer van sy palmolie teen einde April vanjaar ingestel. Een van die eerste vrae wat ontstaan, is of Suid-Afrika op ’n tekort aan plantaardige olies afstuur en of die landbousektor in staat is om nuwe produksieplanne te