Die voëlwêreld se verneukers
Sowat 1% van die wêreld se voëlspesies pas broeiparasitisme toe. In Suider-Afrika sluit dit koekoeke, heuningwysers, rooibekkies en blouvinkies in.
Hoewel die uitbuitende broeitegniek – wat begin wanneer die parasiet heel slinks die eier in ’n gasheer se nes lê – deur oëverblindery gedefinieer word, kan die onderliggende metodologie verskil, na gelang van die spesie.
’n Broeiparasiet kan byvoorbeeld gasheerspesifiek wees (gebruik ’n spesifieke gasheerspesie), of meer algemeen (gebruik ’n aantal gasheerspesies). Dit kan ’n enkele eier in ’n gasheernes lê, of verskeie eiers in verskeie gasheerneste.
Die broeiparasiete kan selfs ’n gasheer uit hul eie spesie gebruik en in
