KYK WIE SPOT NÓÚ!
HY WAS eens een van die grootste en gesogste sterre in Hollywood, met ’n Oscar agter sy naam.
Aksieflieks, tranetrekkers, aweregse treffers – noem maar op, Nicolas Cage het daarin ’n hoofrol vertolk.
Maar toe loop alles skeef, en Nicolas (58) verander van gewild in ’n bietjie van ’n grap.
Skielik het die akteur in ál meer memes verskyn, en op YouTube is daar met hom én sy flieks gespot.
En die nuwe flieks waarin hy verskyn het? Rolprentteaters wou dit nie eens wys nie.
Boonop was hy so te sê platsak nadat hy ’n fortuin van R2 miljard geblaas het. Hy het die Amerikaanse inkomstediens boonop eiendomsbelasting van R95 miljoen
