SWERMS OORWELDIG OOR ’N WYE GEBIED
oere in droogtegeteisterde gebiede het net begin asemhaal nadat somerreënpatrone na normaal begin terugkeer het, toe reuseswerms sprinkane die hoop vir die opbou van voerbanke in die veld laat verdwyn het.
Swerms bruinsprinkane (Locustana pardalina) word sedert 2020 in die Wes-, Oos- en Noord-Kaap gewaar, met uitbrekings in die huidige reënseisoen wat al van September en Oktober gewaar is. Uitbrekings is steeds in volle gang, sê me. Andrea Campher, risiko-en-rampbestuurder by Agri SA.
Die hoofbrandpunte is tans Murraysburg, Merweville en Beaufort-Wes in die Wes-Kaap, en Willowmore, Steytlerville, Jansenville en Wolwefontein in die Oos-Kaap. In die Noord-Kaap raak swerms Carnarvon, Britstown, Prieska, Vosburg, Hopetown, Brandvlei en Van Wyksvlei, met die vierde generasie wat teen 16 Maart by Van Wyksvlei opgemerk is, sê Campher.
Vanjaar is swerms ook naby Calitzdorp in die Klein-Karoo opgemerk – waar daar die afgelope 40 jaar geen sprinkaanuitbrekings aangemeld is nie. Hoewel hy self nog nooit bruinsprinkaanswerms in die Klein-Karoo aangeteken het nie, dui aantekeninge uit die 1970’s daarop dat swerms al daar opgemerk is, sê dr. Roger Price, navorsingsleier van insek-ekologie by die Landbounavorsingsraad.
Sprinkane vlieg saam met
