Skadu-oase
Skadugedeeltes in die tuin kan net so mooi wees – en jou net so ryklik beloon – as enige ander deel van jou tuisparadys, maar dit bied tog ’n paar unieke uitdagings (permanent en seisoenaal), veral as die res van jou tuin heeljaar sonskyn kry.
In sy nuwe boek Gardening in the Shade in South Africa (wat eers einde Januarie 2021 in die winkels sal wees), skryf die tuinkonsultant Allan Haschick hoe baie tuiniers kla oor skadukolle wat nie kleurvol genoeg nie, gras wat sukkel om daar te groei, plantkeuses wat erg beperk is… hulle voer dosyne redes aan waarom hulle skadutuin sleg lyk, maar dit hoef regtig nie so te wees nie.
As jy eers ’n goeie begrip het van al die elemente wat ’n rol speel in ’n skadutuin, kan jy dit aanpas na gelang van die spesifieke omstandighede in jou eie tuin, en nie lank nie, of daardie “nukkerige” koeltekol sal ontpop in ’n skouspelagtige bedding vol pragtige loof-of blomplante.
Natuurlik is elke tuinier se “skaduprobleem” uniek, en verskillende dele van jou tuin kan boonop verskillende soort skaduwee hê. Dit maak dus nie saak of die skadu deur groot bome of hoë geboue veroorsaak word nie (of dalk is jy net aan die “verkeerde kant” van die pad), want dit bly nou maar eenmaal ’n uitdaging om die regte plante vir die regte “soort” skaduwee te kies. Skaduliewende plante is nie noodwendig tropies nie, hoewel talle tropiese soorte in skadu sal floreer. Party delikate loofplante sal verskroei in die son; ander hou van skadu maar haat vog; nog ’n klomp sal dolgelukkig wees in moerasgrond met die minimum son.
You’re reading a preview, subscribe to read more.
Start your free 30 days