Rooigety

WAT het ’n suurstoftekort, kreef wat uit die see loop, dooie visse, skakerings van bruin, pers, geel, olyfgroen en nagtelike blou, kusgebiede en herfs met mekaar te doen? Rooigety. En hoewel dié natuurlike verskynsel dalk pragtig is om na te kyk, hou dit gevare vir mens en dier in.

WAT IS ROOIGETY?

Rooigety is ’n natuurlike verskynsel, ’n skadelike alge-opbloeiing, wat wêreldwyd in groot watermassas soos seë, mere en riviere voorkom. Die kleur van die water verander gewoonlik na rooi as gevolg van sekere mikro-alge (piepklein plantjies) in die water naby die oppervlak. Rooigety word veroorsaak deur ’n digte konsentrasie van hierdie alge bekend as fitoplankton. In Suid-Afrika word rooigety meestal deur fitoplanktoniese dinoflagellate veroorsaak. Dinoflagellate is eensellige organismes wat met behulp van twee fla-gella