Kommer groei oor plaaslike voedselmark

In die staatsrede is aangekondig dat die betaling van die maatskaplike toelae van R350 per maand tot Maart 2023 verleng word. Dit is beslis ’n verdere stut vir die mark vir basiese voedsel in Suid-Afrika, want sowat 10 miljoen werklose mense word bevoordeel met altesame R50 miljard.

Sowat 27 miljoen mense in Suid-Afrika ontvang verskeie vorme van maatskaplike en staatstoelaes. Aanduidings is dat dit sowat R250 miljard werd is.

Gegewe ’n ekonomie wat na verwagting vanjaar met sowat 1,7-2% gaan groei en min werk gaan skep, terwyl die werkloosheidsyfer sowat 50% is, is die risiko dat die binnelandse voedselvraag verander en selfs stagneer.

Terugvoering van meulenaars, voedselvervaardigers