FOTOGRAWE WYS SA SE SEE- EN PLANTLEWE Skoonheid bly boei
Ana-Filipa (Filipa) Domingues het al in die veld onder ’n bos ingekruip om by ’n skaars grondprotea uit te kom, op ’n eilandjie in die middel van ’n besige pad ’n reuse-aalwyn gekiek, en 400 km agter ’n kokerboom in blom aangery . . .
Dit alles om Suid-Afrika se “vreemde en wonderlike flora” vas te vang en te deel met haar Instagram-volgelinge van reg oor die wêreld wat nie genoeg kan kry van haar unieke “plantportrette” op @checkmyplants nie.
“Ek is eenvoudig versot op ons land se plante,” sê Filipa, plantfotograaf, plantkyker en filmmaker. “Van die byna prehistoriese aalwyne tot die piepkleinste fynbosblommetjies wat uit niks uit groei. Dit verras my elke keer.”
Dís my kos, daardie ongewone plante wat mense nie sommer sal teëkom nie
Ana-Filipa Domingues, filmmaker en plantfotograaf
Sy kan partykeer nie glo sy’t in die Kaap grootgeword met die ongelooflikste plante reg onder haar neus en dit nie raakgesien nie, bieg sy. (Die Kaapse blommeryk het van die grootste verskeidenheid unieke plantspesies per oppervlak ter wêreld.)
Haar belangstelling
