Stelsel monitor van produksie tot arbeid
PLAASINLIGTING
LIGGING: Brits, Noordwes
KORTOM
■ ’n Produksiemoniteringstelsel meet werkers se produktiwiteit, asook die opbrengs van verskillende gewasse.
■ Danksy die regte kultivarkeuses is ’n verbetering in opbrengs van 20-30% aangeteken.
■ Besparings word aangewend om die boerdery vertikaal uit te brei en verhogings in lone en elektrisiteitstariewe te absorbeer.
Die Suid-Afrikaans ontwerpte produksiestelsel Agrigistics slaan drie vlieë met een klap – dit vergemaklik bestuur vir boerderye wat arbeidsintensief is, bepaal die opbrengs van veelvuldige gewasse, en bereken en bestuur produksiekoste beter.
Die bestuurstelsel het ontstaan nadat drie ingenieurs, mnre. Cilliers Geldenhuys, Luke Kroon en Johan Ferreira, wat almal aan die Universiteit van Pretoria gestudeer en aanvanklik stelsels vir die mynbedryf ontwikkel het, se pad met dié van mnr. Mario Marais van die Modelpak-boerdery gekruis het. Modelpak is ’n groenteboerdery by Brits wat ’n wye verskeidenheid groente verbou en sowat 800 werkers in diens neem.
Nadat die
