Groot wins met kalwers in koeksnystelsel
As ’n boer vertel hy “besproei” sy kalwers op ’n koeksnystelsel, sal menige boer hom verbysterd aankyk. Mnr. Hurter van Zyl van Ventersdorp is egter doodernstig oor dié presisiestelsel met speenkalwers wat sy vleisproduksie tot op ’n ongekende vlak voer. Dit behels ultrahoëdrukbeweiding van ’n aangeplante raaigrasmengsel onder spilpuntbesproeiing.
Die perseel is in koeksnye verdeel sodat elke sny genoeg kos vir die hele dag bied. Teen die tyd dat die beeste weer by die eerste koeksny uitkom, het dit al genoeg uitgegroei om wéér bewei
