Sorgvrye TUISKOMS ’n Kommetjie-egpaar is onafhanklik van munisipale netwerke in hul moderne huis waar passiewe ontwerp en volhoubaarheid die pas aangee.
WIE WOON HIER? Charrisse Johnston en Ian Macduff, Oscar die Britse korthaarkat en Winston die Chinese keeshond
WAAR Kommetjie, Wes-Kaap
GROOTTE 195m2
’nKassie in koraal en groen val ’n mens op sodra Charrisse Johnston en Ian Macduff se voordeur oopswaai. Maar dis gou duidelik dat dit een van min helder dekorstukke in ’n gedempte, neutrale palet is.
Die egpaar het hul huis, wat onafhanklik van munisipale netwerke is, verlede jaar gebou op een van twee aangrensende erwe wat Ian in 2007 gekoop het. Die erwe lê in ’n L-vorm en hul huis is op die
