VAARWEL, VADER VAN SUDOKU
DIE beste raaisels is dié wat op papier heel eenvoudig lyk, maar tot die slimste mense uit frustrasie kan laat kopkrap.
Dis presies wat Sudoku – een van die bekendste soorte raaisels wêreldwyd – regkry. Dit word oral gespeel: Party mense voltooi dit met pen of potlood in ’n koerant of tydskrif, ander draf hele Sudoku-boekies deur wanneer hulle vakansie hou, en ander speel dit weer op hul slimfoon.
Dié gewilde raaisel is die geesteskind van Maki Kaji. Hy het geglo die sleutel tot raaisels is dat dit lekker moet wees.
Sy filosofie was dat ’n goeie raaisel deur geesdriftiges van alle ouderdomme en vaardigheidsvlakke moet geniet kan word – en dat dit nie soseer gaan oor hoeveel dit jou laat dink
