Die Olimpiese Spele

DIE Paralimpiese Spele se ontstaan kan na 1948 teruggevoer word. Dr. Ludwig Guttmann, ’n Duitse neuroloog, het ’n sentrum vir rugbeserings by die Stoke Mandeville-hospitaal in Buckinghamshire, Engeland, op die been gebring. Hy het ook in 1948 die eerste Stoke Mandeville Spele gereël, waaraan 16 gestremde oorlogsveterane deelgeneem het. Dié Spele het later die vierjaarlikse Paralimpiese Spele geword, waarvan die eerste in 1960 in Rome gehou is. In 1976 is die eerste Paralimpiese Winterspele in Swede gehou.

Suid-Afrika het in 1964 sy debuut op die Paralimpiese Somerspele in Tokio, Japan, gemaak. Nege Suid-Afrikaanse deelnemers het aan boogskiet, atletiek, swem en gewigoptel deelgeneem en 19 medaljes, waarvan agt goud, gewen. Suid-Afrika het tot in 1976 aan