IS HOËR VOEDSELINFLASIE ’N STIMULUS VIR BELEGGINGS?
onder moeilike ekonomiese omstandighede bly voedselinflasie ’n netelige saak vir verbruikers. Die redes vir voedselinflasie wat by tye styg of daal, is egter meer ingewikkeld as bloot ’n kwessie van produksietekorte en goeie vraag, of andersom. Verskeie kenners wys daarop dat ’n mens nie die reuse-impak van die internasionale landbousektor se kommoditeitsmarkte op plaaslike voedselpryse uit die oog mag verloor nie.
In onlangse maande het die landbou se kommoditeitspryse wêreldwyd skerp gestyg. Só sê dr. Tracy Davids van die Buro vir Voedsel en Landboubeleid (BFAP) en haar kollega, dr. Hester Vermeulen.
Die wêreldwye impak op SA
“Die voedselprysindeks van die Verenigde Nasies seVoedsel-en Landbou-organisasie (FAO), wat ’n aanduiding van die landbousektor se onderliggende kommoditeitspryse is, het sedert Junie 2020 geleidelik gestyg, maar in onlangse maande het dié styging versnel. In Februarie vanjaar was dit gemiddeld bykans 17% hoër as ’n jaar gelede. Jaar-tot-jaar was die internasionale pryse van plantaardige olies 51% hoër, gevolg deur prysstygings oordieselfde tydperk vir graansoorte (27%), suiker (10%) en suiwelprodukte (10%).”
Die gekombineerde internasionale aanbod-envraag-dinamika het die afgelope jaar ’n perfekte storm ontketen. Davids en Vermeulen skryf dit onder meer toe aan Covid-19-verwante reisbeperkings, arbeidstekorte
