Ken die Karoobossies: Ertjiebos, witheuningkaroo en grootbietou
ERTJIEBOS
Gewone naam: Ertjiebos
Wetenskaplike naam: Hertia cluytiifolia
Familie: Asteraceae (asterfamilie)
Ertjiebos is ’n regop groeiende bos, 60-120 cm hoog, en gewoonlik ietwat smaller as wat dit hoog is. Die bos bestaan uit ’n aantal stamme wat nie baie vertak nie, vandaar die regop groeiwyse. Die stamme is meestal ligvaal. Die wortelstelsel is goed ontwikkel en kan diep in die grond indring.
Die blare is liggroen, ovaalvormig en sowat 2,5 cm lank. Dit kom versprei deur die bos voor, maar
