Wêreldvraag na voedsel bly sterk groei

Gedetaillerde ontledings van die vraag- en aanbodneigings van die belangrikste landboukommoditeite – in Amerika en wêreldwyd – word elke Februarie op ’n vooruitskouingskonferensie van die Amerikaanse departement van landbou bespreek.

Die neigings wat ontleed word, gee landboubesighede ’n aanduiding van wat hulle in die volgende tien jaar te wagte kan wees. Natuurlik kan die vooruitskattingsmodelle nie voorsiening maak vir markskokke en die impak van buitengewone gebeure soos die Covid-19-pandemie nie, want dit sou voorafkennis van moontlike skokke impliseer.

Terselfdertyd word aanvaar dat die modelle eerder groeineigings skat as wat dit in staat is om byvoorbeeld toekomstige pryssiklusse na te boots, wat deur markveranderinge aangedryf word. Die belang van die projeksies