Alternatiewe gewasse kan melkery produktief hou
LIGGING
George, Wes-Kaap
KORTOM
■ Die opbrengs en voergehalte van langswenkgras, smalweëblaar en sigorei is binne die aanvaarbare perke vir melkproduksie op aangeplante weiding.
■ Hierdie gewasse kan ’n goeie alternatief vir raaigras wees omdat hulle water beter kan benut.
■ Omdat hulle meerjarig is, bespaar die boer boonop op vestigingskoste.
Struikelblokke soos droogte, minder water wat vir besproeiing beskikbaar is, en klimaatsveranderings lei al hoe meer tot die besef dat aangeplante weiding vir melkproduksie meer veerkragtigheid en robuustheid nodig het as die verskillende raaigrasspesies wat dekades lank die grondslag van dié weiding gevorm het.
Die gematigde spesies wat algemeen vir intensief besproeide weidingproduksie gebruik word, is Lolium multiflorumen , albei raaigraskultivars met goeie voergehalte wat vir melkproduksie nodig is.
