‘POETIN-PALEIS’-PROTES
HY IS al lank ’n doring in die Russiese leier se vlees, en die Kremlin probeer hom al jare lank stil kry. Hy is al vervolg, in die tronk gestop en vergiftig – en steeds weier hy om gemuilband te word.
Maar Aleksei Nawalni se onlangsste stukkie weerstand is dalk sy dapperste daad van protes nog. Die 44-jarige Russiese aktivis en politikus het onlangs ’n video uitgereik wat monde wêreldwyd laat oophang – en die Russiese president, Wladimir Poetin, duidelik ontsenu het.
Die video wys wat Nawalni as “Poetin se paleis” beskryf – ’n luukse woning wat in koste net deur die Buckinghampaleis oortref word. Daar is geen geld ontsien vir die R22,4 miljard-landgoed aan die kus van die Swart See in Rusland nie: Die luukses in die rykmanstuiste sluit glo
