REG vir jou RYDING

So, jy het jou droom-4x4 gekoop, die eerste diens laat doen en al die reëls gevolg, en nou wil jy ’n paar voorkeur-markvervangingstoebehore byvoeg. Wat is jou regte, en hoe sal dit jou blink vervaardigerswaarborg beïnvloed, wat ’n probleemvrye ervaring vir die eerste vyf jaar of 120 000 km, en selfs langer, belowe? As dinge skeefloop wil jy nie opgesaal wees met ’n reuserekening vir herstelwerk nie – selfs al blyk dit dat die oorsaak en die gevolg nie verband hou nie.

Vir ’n landreisiger en 4x4-avonturier is dit dikwels nodig om die standaard voertuig op te gradeer om aan jou reisbehoeftes te voldoen, nie net om veilig by jou bestemming te kom nie, maar ook om seker te maak dat die voertuig nie beskadig word nie. Dit is presies hoekom jy dit met onderbakbeskerming, ’n bosbreker en veldbande met sterk wande sou toerus. Jy wil dalk ook die veerstelsel verhoog en versterk, sodat jy ’n swaarder vrag kampeertoerusting en passasiers sonder stampe en stote kan vervoer. Hierdie goed is funksionele vereistes en nie