Mini-randspuit werk waar grotes sukkel
Elke graanboer weet dit is belangrik om minstens een of twee keer per jaar ordentlike randbespuiting langs die draadheinings in landerye te doen. Nadat hy jare lank elke winter gesukkel het met groot, swaar onkruidspuite wat agterop die trekker gemonteer word en vanaf die driepuntstelsel werk, het hy besluit tot hier toe en nie verder nie, sê mnr. Jan-Hendrik Human van die plaas Adowa by Protem naby Bredasdorp.
