Gee kalium net as daar ’n tekort is
Kalium vervul talle noodsaaklike funksies in die groei en funksionering van plante, en is die derde lid van die “Groot Drie”-voedingstowwe.
In vorige artikels is reeds aandag gegee aan die ander twee, naamlik stikstof (N) en fosfor (P), en die bestuur daarvan (bit.ly/2JrpLJ X; bit.ly/3oPehjz). In hierdie artikel word op K gekonsentreer.
Die hoeveelheid K wat plante opneem, is dikwels dieselfde as die hoeveelheid N, en die konsentrasie van K in plante is gewoonlik sowat tien keer dié van P en swael (S).
Kalium is onder meer noodsaaklik vir die vervaardiging van stysel, die vervoer (translokasie) van koolhidrate, stikstofassimilasie, proteïensintese, asook om die waterbalans in plante te behou deur die oop- en toegaan van die stomata te reguleer.
Die gevolge van ’n K-tekort sluit in:
■ ’n Afname in graanvulling by gewasse, soos mielies, en ’n groter persentasie klein korrels.
■ ’n Afname in stingel- en stamsterkte by graangewasse, wat tot meer omval lei, veral wanneer baie N-kunsmis toegedien word. ¦ ’n Afname in fotosintese en N2 -vaslegging by peulgewasse.
■ ’n Afname in transpirasie en swakker blaarafkoeling, wat tot groter vatbaarheid vir
