Rafael Nadal kraai wéér koning op Roland-Garros
DIE Spaanse tennisspeler Rafael Nadal (34) het maklik met Novak Djokovic (33) afgereken om vir die 13de keer as Franse Ope-kampioen gekroon te word. Die toernooi is vanjaar later as gewoonlik by Roland- Garros in Parys, Frankryk, gehou nadat dit weens die coronaviruspandemie uitgestel moes word. Net 1 000 toeskouers kon die eindstryd in die stadion dophou.
Hoewel Djokovic die voorste speler ter wêreld is en vooraf deur baie as gunsteling beskou is om te wen, het Nadal weer gewys hoekom hy as die Koning van Klei bekendstaan. Hy het net drie stelle nodig gehad om die wedstryd te wen – die telling was 6-0, 6-2, 7-5.
Hy het dwarsdeur die toernooi nie ’n enkele stel verloor nie.
Rekords vir Rafa
Met sy oorwinning het Nadal nou ál
