‘Ja, ons is diép in die knyp’

Ons verhoudings met alle belanghebbendes is wankelrig.

Krieket Suid-Afrika (KSA) staan by ’n afgrond en Kugandrie Govender sou nie met haar gewete kon saamleef as die spel oor die rand tuimel en sy niks daaraan probeer doen het nie.

Daarom het sy vandeesweek haar “mees onselfsugtige besluit” nóg geneem, en ingestem om die steierende organisasie se waarnemende uitvoerende hoof te wees nadat Jacques Faul Maandag be-dank het.

“Ek is onder geen illusie oor hoe warm die stoel is nie,” het Govender, KSA se eerste vroulike uitvoerende hoof, vandeesweek aan Rapport gesê.

“Ek het selfs op sosiale media gesien mense praat van die ‘glass