Black Is King
AS JY die jongste Disneyfliek, The Lion King, en die musiek daarin geniet het, moet jy nie dié visuele album misloop nie. Hier is ’n paar interessanthede oor die sangeres Beyoncé se “passieprojek”.
Dit is gegrond op die musiek van die klankbaan wat Beyoncé aanmekaargesit het vir verlede jaar se fliek , waarin sy die stem van Nala verskaf. Die klankbaan, wat nou, ’n jaar later, uitgereik is, is van begin tot einde Beyoncé se visie. Sy is daarin te sien, het dit geskryf en is die uitvoerende vervaardiger. Dit vertel die storie van ’n jong Afrika-koning wat op ’n reis van self-ontdekking gaan voor hy die troon bestyg – amper net soos die leeu Simba in die rolprent.
