Leeu-koningin in die krieket-kuil
Dekades lank al breek Anne Vilas deur die een ná die ander glasplafon in ’n sportwêreld wat deur mans oorheers word.
Dat sy nou ook die eerste vroulike president en voorsitter van die Central Gauteng Lions (CGL)-krieketunie is, is dus nie vir haar iets vreemds nie. Sy is gewoond aan baanbrekerswerk vir vroue in die sportwêreld.
“Ek het my hele lewe lank nog in ’n bedryf gewerk wat oorwegend manlik is,” het Vilas vandeesweek aan Rapport gesê. Sy is al sedert haar skooldae betrokke by hul familiebesigheid, wat sporttoerusting invoer, verkoop en versprei. Haar ontslape pa, Herby Prout, het die onderneming begin en Vilas is die laaste 32 jaar Opal Sports se besturende direkteur.
Die etiket van “die eerste vrou wat . . .” is welbekend aan
