Nkwe slyp g’n byltjie ná KSA Boucher pos gee
Hul agtergronde verskil soos dag en nag.
Die een is vir baie die versinnebeelding van die Suid-Afrikaanse krieket-establishment: ’n Oud-Protea met 147 toetse op sy kerfstok.
Die ander se krieketpad was met duwweltjies besaai: ’n Boor-ling van Soweto, wie se kortstondige eersterangse loopbaan ná slegs 42 wedstryde op die jong ouderdom van 26 weens ’n ernstige polsbesering kortgeknip is.
Mark Boucher was sy lewe lank op krieket se N1-snelweg, terwyl Enoch Nkwe sy weg op stowwerige, slaggatbesaaide agterpaaie moes oopveg. Maar nou is hulle verenig en saam ’n rigtingaanwyser vir Suid-Afrikaanse krieket. Die
