Covid-19 se sterftekoers eintlik heelwat laer

Dit wys die infeksie kom baie wyer voor as die aantal bevestigde gevalle.

Hoe dodelik is die nuwe koronavirus?

Dít is die vraag waarmee regerings wêreldwyd worstel terwyl hulle besluit hoe om die Covid-19-pandemie hok te slaan.

“Gesondheidsowerhede is in twee geskeur tussen die opsies van ’n oorreaksie wat hul bevolkings die skrik op die lyf jaag, en ’n onderreaksie wat hul burgers blootstel,” skryf prof. Manuel Battegay van die Universiteitshospitaal oor ’n studie van ’n groep Switserse navorsers.