CORONA SE SLAGTING
Daar kan 500 000 werksverliese wees, met klein en middelslagondernemings wat die swaarste geraak word.
Suid-Afrika se ekonomie sal vanjaar skerp inkrimp deurdat die uitwerking van die drastiese wêreldwye maatreëls om die verspreiding van Covid-19 te beperk die hele wêreld in ’n resessie dompel en die gevaar van ’n depressie vergroot – wat ’n ernstige ekonomiese afswaai is wat jare lank kan voortduur.
Die besluit om die hele land vanaf 26 Maart in afsondering vir drie weke te plaas, is geneem om ’n humanitêre ramp te voorkom wat ver buite die bereik van die land se gesondheidsektor is – wat sleg toegerus is om dit te hanteer as die siekte na arm, digbevolkte gebiede versprei waar mense die kwesbaarste is.
Afsondering word reeds toegepas in al die land se grootste handelsvennote – Amerika, Europa en Brittanje – ná China se sukses met die bekamping van die pandemie deur beperkings in die provinsieWuhan,
