ons wêreld
MY hartjie, MY liefie . . .
Die beste plekke ter wêreld om ’n sonsondergang te aanskou? Suid-Afrika het sommer twee onder die 25 bestes, aldus ’n nuwe opname onder 46 internasionale reisjoernaliste. Op die top-100-lys is die Nasionale Krugerwildtuin nommer 22 en Tafelberg 24ste. Die eerste plek behoort aan Santorini in Griekeland, tweede is die Grand Canyon Nasionale Park in Arizona, VSA, en derde is Mykonos, Griekeland. Altesame 600 plekke is benoem.
