DIE 2020-BEGROTING

Hierdie jaar se begroting was die uitdagendste sedert die begin van ons demokrasie: Suid-Afrika word deur ’n hoop skuld verswelg, die ekonomie groei met minder as 1%, die gebrekkige verskaffing van elektrisiteit plaas ’n demper op die ekonomie en staatsondernemings word net nie reggeruk nie. In die 2019/20-boekjaar is R63,3 miljard minder ingevorder as waarvoor begroot is.

Soos gebruiklik het die minister van finansies die begrotingsrede die laaste Woensdag in Februarie gelewer. Dis deur president Ramaphosa se staatsrede voorafgegaan en is ook vooraf deur die kabinet goedgekeur.

In die openbare galery het lede van die formidabele regrukspan, wat reeds aangestel is, gesit: Shamila Batohi, hoof van die Nasionale Vervolgingsgesag, André de Ruyter, hoofbestuurder van Eskom, Edward Kieswetter, die nuwe baas van die