LANDBOU HOU ASEM OP OOR VIRUS
PROBLEME met internasionale voorsienings- en logistieke kettings weens die gevreesde koronavirus (Covid-19) kan uitvoergedrewe landboukommoditeite in Suid-Afrika ernstige skade berokken. Verder kan ontwrigtings binne China die beskikbaarheid van landbou-insette op onvoorspelbare maniere beïnvloed, waarsku kenners.
Mnr. Omri van Zyl, uitvoerende direkteur van Agri SA, sê die landbou voer jaarliks ongeveer 25 kommoditeite ter waarde v an meer as $10 miljard (R153 miljard) uit. “Die wêreldmark het die laaste week van Februarie meer as $6 miljard verloor. Dit w as die swakste ekonomiese week sedert die wêreldwye resessie in 2008.”
Mnr. Wandile Sihlobo, senior ekonoom van die landbousakekamer Agbiz, waarsku dat die afname in Asië se vraag na landbouprodukte en laer pryse die waarde
