DIE SWARTWILDEBEES – KARAKTERVOLLE BEWONER VAN DIE VLAKTES
Die swartwildebees (Connochaetes gnou) is, net soos ’n handjievol ander spesies, ’n boorling uniek aan Suid-Afrika. Hulle het van nature die oop vlaktes van die Vrystaat, Noord-Kaap, Transvaal en dele van Natal bewoon en was bekend daarvoor dat hulle soms in reusetroppe rondbeweeg het in hulle soeke na weiding en water.
Wetenskaplikes is dit eens dat die swartwildebees ongeveer ’n miljoen jaar gelede van die blouwildebees weggebreek het en as ’n onafhanklike spesie begin ontwikkel het. Toe die eerste Europese setlaars die binneland van Suider-Afrika begin verken het, het hulle enorme hoeveelhede swartwildebeeste aangetref en soos dit soms maar gaan, was die groot troppe wildebeeste en ander wild soos hartbeeste, springbokke en blesbokke ’n groot trekpleister as bron van vleis en velle. Derhalwe is derduisende van hierdie diere toe geskiet.
BEPERKTE GETALLE GROEI
Die swartwildebees se lot was soortgelyk aan dié van die Amerikaanse bison en toe daar uiteindelik halt geroep is met die slagting, was daar net ’n handjievol swartwildebeeste oor – een skatting beweer so min as vyfhonderd diere.
Een van hierdie groepies swartwildebeeste het ’n tuiste gevind op die plaas van die Erasmus-familie buite Kroonstad in die Vrystaat. Die Erasmusse boer al vir geslagte lank daar en hulle het destyds besef dat iets gedoen moes word om die swartwildebees van gewisse uitsterwing te red. So het dié familie reeds in die 1890’s begin om ’n ogie oor die swartwildebeeste op hulle grond te hou en hulle te bewaar. Dieselfde het
You’re reading a preview, subscribe to read more.
Start your free 30 days