DIE KEUSE VAN ’N EERSTE JAGGEWEER
Die idee vir hierdie artikel het ontstaan na aanleiding van ’n gesprek wat ek en my vrou een Vrydag in ’n restaurant aangehoor het. Ons het skaars gesit toe vier sportiefgeklede manne hulle tuismaak by die tafel langsaan. Hulle klere het sekere gholftoerusting-handelsmerke vertoon – dit was duidelik dat hulle na ’n rondte gholf op die 19de putjie kom ontspan het.
Die manne het skaars hul drankies bestel toe een die gewigtige vraag vra: “Watter jaggeweer sal ideaal wees vir my en my sewejarige seuntjie om alles mee te skiet?” Ek maak nie ’n gewoonte daarvan om ander se gesprekke af te luister nie, maar die manne het so naby aan ons gesit en so hard gepraat dat ek en my vrou skaars ’n woord tussen ons kon inkry. Ons moes dus noodgedwonge die wyshede van die buurtafel aanhoor. Om ’n lang storie kort te maak, die manne het na nog ’n paar drankies konsensus bereik dat ’n “effen” .30-06 met ’n “effen” knaldemper net die ding was vir pa en seun. My vrou, wat glad nie jag nie, het droogweg opgemerk dat ’n mens nie aldag so
You’re reading a preview, subscribe to read more.
Start your free 30 days