DIE WHISKYTREIN
Die klein nedersetting, Val, is ’n dorpie naby Greylingstad in Mpumalanga wat net drie strate het. Baie mense weet nie eens van die plek nie, maar blou jare gelede voor en tydens die Anglo-Boereoorlog was dit ’n bedrywige plekkie. Val lê op die treinroete van Johannesburg na Durban en het oorspronklik Waterval geheet. Daar was altyd ’n hotel, selfs ’n poskantoor, later die stasie en dit was ook die plek waar die destydse poskoetse gereeld gestop het.
Hier het ’n paar Afrikanergesinne en ’n klompie Engelse in vrede naas mekaar gebly. Toe die oorlog uitbreek, het van hulle wel soms haaks geraak, maar
