2019 GALLERY RIFLE WÊRELDKAMPIOENSKAPPE IN SUID-AFRIKA
Die SA Jagters- en Wildbewaringsvereniging het gedurende die laaste week van Oktober 2019 opgetree as gasheer van die vierde IGRF Wêreldskietkampioenskap. Dit is aangebied by die Excaliburskietbaan in Welkom, die tuiste van die Sandrivier-58-tak van SA Jagters.
Wêreldklasskuts van onder andere Duitsland, Australië, Ierland, Groot-Brittanje, en Suid-Afrika het deelgeneem. Die kampioenskap het uit twee komponente bestaan, naamlik ’n individuele kompetisie en die internasionale spanskietkompetisies. Hierdie wêreldkampioenskap is voorafgegaan deur SA Jagters se Nasionale Sportskietkampioenskap, wat ook gedien het as die ideale voorbereidingskompetisie vir die deelnemende skuts (die buitelandse skuts kon ook aan hierdie byeenkomste deelneem). Tydens die Sportskietkampioenskap is al die Galleryskietdissiplines asook ’n paar ander dissiplines aangebied.
HISTORIESE OORSIG
SA Jagterslede se toenemende belangstelling in sportskiet-aktiwiteite het daartoe gelei dat
