Omhul IN GEUR

#1 VERLEIDELIKE GOURMAND

In 1992 het die Franse ontwerper Thierry Mugler grense verskuif toe hy die eerste gourmand-parfuum, Angel, met “eetbare” bestanddele soos sjokolade, heuning, spookasem en klapper ontwikkel het. Sedertdien is gourmand-geure een van die geurkategorieë wat in gewildheid die meeste gegroei het, veral onder jonger vroue. En danksy ’n vlaag nuwe gourmand-parfuumbekendstellings was die afgelope twee jaar geen uitsondering nie. “ Gourmand-geure bly gewild omdat kosnote soos vanielje, sjokolade en karamel ’n warm, huislike gevoel ontlok, en herinneringe van ons kinderdae en tyd saam met familie oproep,” sê Liz Ferrett, parfuumkenner van Johannesburg. Dié geure het