19 WENKE Jou mooiste somer
JOU GRIMERING
1 WAATLEMOENKLEUR LIPPE
Ons vereenselwig die smaak van waatlemoen met somer, en kyk net hoe somers en vrolik lyk dié lipkleur. Gebruik dit saam met goue oogskadu en maskara wat ekstra volheid gee. Meng ’n beklemtoner soos MAC Strobe Cream met jou onderlaag vir ekstra glans.
• Dior Lipstick Rouge in 028 (R655).
• Palladio BUTTER ME UP! Sheer Color Balm ‘Bonbon’ (R99,95).
2 ’N VOORBEREIDINGSLAGIE
Jy sal nie spyt wees oor die paar ekstra sekondes wat jy aan die aanwending van ’n voorbereidingslagie afstaan nie. Die room voel glad nie swaar nie en laat jou grimering langer aanbly. “As jou vel olierig is, is dit wys om veral in die somer ’n olievrye voorbereidingslagie te gebruik, of een wat jou vel mat laat lyk,” sê grimeerkunstenaar Cheryl Parker. Kies ’n formule wat bevog en lank aanbly as jy ’n droër en meer “volwasse” vel het.
1 Smashbox Oil & Shine Control Primer (R545) bevat salisielsuur, sink en hamamelis wat olie in toom hou, en hou tot 12 uur.
2 DermaFix BB Cream Primer (R360) se ligte formule bevog en laat grimering langer aanbly.
3 Benefit Porefessional Face Primer (R495) is olievry en help dat vergrote porieë minder sigbaar lyk.
WENK Jy smeer dalk jou gewone onderlaag rondom jou oë ook, maar onderlaag met sonskerm in kan jou oë laat brand, vermy
