(مُــــــــــــلك - الخيانة العظيمة (الجزء الثالث: مُــــــــــــلك - الخيانة العظيمة, #3

By alaa zaher

في البداية قد تعتقد إنها قصة عن دولة والعائلة الحاكمة لها والمصاعب التي يتعرضون لها من أجل البقاء معاً ولكن في النهاية تكتشف إنها ليست شيئاً من هذا القبيل وإنما هي قصة تحكي عن أب فعل المستحيل كي ينتقم من قاتل ابنه الذي هو فرد من العائلة الحاكمة ونجاحه بذلكفي البداية قد تعتقد إنها قصة عن دولة والعائلة الحاكمة لها والمصاعب التي يتعرضون لها من أجل البقاء معاً ولكن في النهاية تكتشف إنها ليست شيئاً من هذا القبيل وإنما هي قصة تحكي عن أب فعل المستحيل كي ينتقم من قاتل ابنه الذي هو فرد من العائلة الحاكمة ونجاحه بذلك

• Language: العربية
• Publisher: alaa zaher
• Release date: Apr 16, 2024
• ISBN: 9798224255382

alaa zaher

I am an Egyptian young man, I was born in a poor neighborhood, and although life was difficult, I have nothing to complain about. Some people spends a life time searching for meaning in their lives, for the reason for which they were born to do, but in my case, I discovered that writing is my life, rather it is the reason which I was born to do, and all I'm asking from the universe and the world is only one thing, a chance to prove my true talent, and all you have to do is to decide whether I deserve to be given a chance or not

Book preview

رواية

مُــــــــــــلك

(الخيانة الملحمية)

الجزء الثالث

تأليف

علاء الدين زاهر

تحذير

يجب قبل قراءة الجزء الثالث قراءة الجزء الأول والجزء الثاني

الفصل 17

مشهد1

المكان: غرفة كارم قدري بمدينة مراقيا بدولة داغران  الزمن: نهار – داخلي

يكون كارم قدري جالس في غرفته يقرأ وتكون زوجته الملكة ورد بجواره ويدخل الحارس فجأة

الحارس: معذرة يا مولاي على المقاطعة

كارم: في إيه

الحارس: في رسالة جت من أخو حضرتك يا مولاي

ويعطى الحارس الرسالة إلى كارم ويقرأها كارم ويلقيها على الارض في غضب

ورد: في إيه يا كارم

كارم في غضب: ابنك الحيلة يا هانم خطف بنت النعمان وبنت الوزير الأول وهربوا منه ودلوقتى مستخبى عند كرم

ورد: لا طبعاً أكيد في حاجة غلط مش ممكن زيد يعمل كده

كارم في غضب: لا عمل ..... غبي ماكفهوش انى نفيته بسبب أفعاله كان لازم يعمل حاجة أوسخ طبعاً

ورد في قلق: طب هنعمل إيه يا كارم

كارم: في إيه

ورد: هنسيب يعنى ابننا في المصيبة دية

كارم: أنا طول عمري مع الحق يا ورد واللي غلط لازم يتعاقب وابنك إختار طريقه خلاص ولازم يتعامل مع عواقب فعله وأنا مش مستعد انى أخسر دعم كرزدان عشان غباء ابنك

فتنهض ورد من مكانها وتتجه ناحية الباب فينادى عليها كارم

كارم: رايحة فين يا ورد

ورد: إنت لما نفيت زيد وقفت معاك ودعمتك عشان كنت عارفة ان ده في مصلحة زيد لكن انى أسيبه يموت مش هقدر ..... مش عارفة إنت إزاى تقدر تسيب ابنك يموت لكن أنا مش هسيبه يموت

وتخرج ورد من الغرفة

مشهد 2

المكان: زريبة دكان صادق  الزمن: نهار – داخلي

يمر صادق برفقة مساعده عمران على البهائم في الزريبة فيجد بعضم في حالة غريبة

صادق: إيه ده ياض البهائم دية مالها

عمران: مش عارف يا معلم

صادق: أمال مين اللي يعرف ياض أمي .... روح انده نبيه يجي يشوف صيرفه

عمران: هوا يا معلم

ويرحل عمران

مشهد3

المكان: قاعة الاستقبال  الزمن: نهار – داخلي

يكون النعمان جالس على العرش ويدخل الحارس

الحارس: مولاي كرم قدري بره

النعمان: دخلوه

الحارس: أمرك يا مولاي

ويخرج الحارس ويدخل كرم قدري

كرم: مولاي أنا مبسوط إنك طلبتني قول لي أقدر أساعدك ازاى

النعمان: يعنى إنت مش عارف

كرم: لا يا مولاي حصل منى حاجة ولا إيه

النعمان: يعنى متعرفش ان ابن أخوك خطف بنتي وبنت الوزير الأول مالك وكان طالب فلوس

كرم: صدقني يا مولاي كل اللي أعرفه ان أخويا طردوه من داغران بسبب أفعاله مع الرعية وأنا ماكنتيش أعرف ان هو في كرزدان أصلاً ووعد منى يا مولاي طالما هو عمل حاجة زي كده مش هيلاقى أي مساعدة من طرفي

النعمان: يعنى إنت متعرفش هو فين دلوقتى

كرم: لا يا مولاي للأسف

النعمان: كرم بعد الحرب اللي كرزدان خاضتها مع داغران وكسبناها ولما جه وقت اختيار حامى للدولة اخترت من عائلة قدري وده بسبب ان عائلة قدري هي من أوفى العائلات الموجودة في كرزدان للعرش وعلاقة الوفاء دية مستمرة من زمن فأكيد إنت مش هتيجى دلوقتى وتعمل حاجة ممكن تعرض العلاقة دية للخطر مش كده

كرم: أكيد يا مولاي

النعمان: كرم أنا هسألك للمرة الاخيرة كصاحب وأخ تعرف حاجة عن ابن أخوك

كرم: لا يا مولاي وبوعدك لو عرفت حاجة أكيد هبلغك

النعمان: ماشي وأنا هختار انى أصدقك يا كرم

كرم: دية حاجة تبسطني يا مولاي لو حضرتك مش محتاج منى حاجة تانى ممكن أمشي

النعمان: اتفضل

ويلتفت كرم ويتجه ناحية الباب لكن ينادى عليه النعمان

النعمان: كرم أنا سألت كأخ وصديق وإنت إديتنى إجابتك لكن لو عرف ان إنت مخبى زيد وأويه منى عقابك هيبقى من عقابه مفهوم

كرم: مفهوم يا مولاي

ويرحل كرم

مشهد4

المكان: خماره بداغران  الزمن: نهار – داخلي

تبعت الملكة ورد حارس ليحضر باسل محارب من المرتزقة فيكون باسل جالس برفقة خمسة مرتزقة زمايله ويلعبون بالورق ويدخل عليهم الحارس

الحارس: باسل الملكة ورد طالبة تشوفك

باسل: ليه

الحارس: معرفش أنا مهمتي أبلغك الرسالة وبس

مرتزقة 1: روح يا باسل يا أخويا يمكن شغلانة كويسة

مرتزقة 2: أه يا عم بيضالك في القفص وطالما الملكة يبقى أكيد شغلانة طرية وناعمة

فيضحك باسل والمرتزقة وبعد ذلك ينهض ويذهب مع الحارس

مشهد5

المكان: منزل نبيه  الزمن: نهار- داخلي

يطرق عمران على باب منزل نبيه وتفتح له جميلة

عمران: نبيه موجود

جميلة: أقوله مين

عمران: قولي له عمران مساعد المعلم صادق عليش

جميلة: ثانية واحدة

وتغلق جميلة الباب وتسأل نبيه الذي يكون جالس يركب تركيبات

جميلة: نبيه

نبيه: إيه يا جميلة

جميلة: في واحد بره بيقول انه مساعد المعلم صادق

نبيه: قولي له يعدى بعدين

جميلة: ماشي

فتذهب جميلة إلى الباب وتخبر عمران بما قاله نبيه

جميلة: بيقول مش فاضي عدى بعدين

عمران: لا في عرضيك ده في بهائم تعبانة ومحتاجة علاج

فيسمع نبيه هذا الكلام وينهض ويقابل عمران

نبيه: إيه يا عمران فيه إيه

عمران: في بهائم في الزريبة تعبانة ومحتاجة علاج

نبيه: طب إستنى ألم حاجتي

ويغلق نبيه الباب ويدخل هو وجميلة فتجلس جميلة بينما يلم نبيه أغراضه

نبيه: إنتى بتعلمي إيه يا جميلة

جميلة: قاعدة

نبيه: قاعدة أمال مين اللي هيجى معايا

جميلة في فرح: إيه ده هتاخودنى معاك

نبيه: إنتى مش قولتي انيك عايزة تتعلمي

جميلة: أيوة

نبيه: طب مستنية إيه يلا قومي غيرى

جميلة: ماشي

وتنهض جميلة لتغير ملابسها يرحل نبيه وجميلة مع عمران

مشهد6

المكان: قاعة استقبال قصر مدينة مراقيا  الزمن: نهار – داخلي

يصل باسل يكون بانتظار الملكة في قاعة الاستقبال فتنزل الملكة ورد لمقابلته

باسل: مولاتي طلبتينى خير

ورد: عايزاك في مهمة خطيرة

باسل: أؤمرى يا مولاتي

ورد: ابني موجود في كرزدان وهو دلوقتى معرض لخطر كبير

باسل: والمطلوب

ورد: تروح كرزدان وتحمى ابني لغاية ما الامور تهدئ وتجيبه على هنا

باسل: طب وليه أنا هو الحرس الملكي مشغول في حاجة تانية

ورد: إنت شخص ذكي يا باسل وأكيد إنت فاهم من غير ما اقول

باسل: أه تقصدي ان ابن جلالتيك مش معرض للخطر ده عمل كارثة ومش لحد عادى لحد مقامه كبير في كرزدان عشان كده طلبتينى عشان حضرتيك وجلالة الحامي متبانوش في الصورة مش كده

ورد: قول لي بس هتعمل المهمة دية ولا لا

باسل: أنا تحت أمريك يا مولاتي لكن المهمة دية ممكن تحتاج أشخاص أكتر منى لوحدي وده معناه فلوس أكتر

تطرقع ورد صوابعها ويأتي حارس حامل صندوق من الذهب

ورد: دية دفعة أولى هات كل اللي محتاجة وخد معاك الرجالة اللي تحتاجها بس حافظ على ابني بأي ثمن

باسل: بس ده كتير أوى يا مولاتي

ورد: ولو نجحت في المهمة ليك قد الفلوس مرتين .... أول ما توصل كرزدان دور على كرم قدري هو هيوديك لابنى إديله الورقة دية عشان يعرف ان إحنا اللي بعتينك 

باسل: متقلقيش