101 lecionoj pri Spirita Saĝo

By Paiva Netto

La ĉiutagaj pezaj zorgoj postulas momentojn de enmemiĝo, serĉe de refreŝigo de la Animo, fonto de forto por venko. Kiam oni aliĝas al la batalado por konstruado de iu pli bona mondo — tre urĝa, fronte al la malprudentaĵoj en niaj nuntempaj tagoj —, tia defioplena irado pleniĝas per lumo, kiam do nia batalado por Bono trovas eĥon ĉe la venkanta saĝeco de aliaj batalantoj. Laŭlonge de jardekoj, la radikronikisto, ĵurnalisto kaj verkisto Paiva Netto alportadas al la popolo pripensojn pri Paco, per radio, per televido, per interreto kaj per diversaj publikaĵoj. Per lia obstina sindediĉo al Jesuo, la Ekumena Kristo, la Dia Ŝtatestro, favore al la feliĉo de la Eterna Spirito de la homo, naskiĝas vortoj, kiuj inspiras Animojn al senlaca praktikado de Bonfarado kaj stimulas ilin neniam rezigni pri sennombraj justaj celagadoj. Tial, investu je vi mem: rezervu valorajn minutojn por mediti pri ĉiu el tiuj 101 saĝaj instruoj en ĉi tiu libro kaj plivigligu vin por la aŭroro de nova tempo, kiu aperas danke al via solidara agado, kune kun frataj realigoj de multaj mondaj civitanoj.

• Language: Esperanto
• Publisher: BookBaby
• Release date: Dec 3, 2020
• ISBN: 9781098351410

Book preview

Resumo

Traktaĵo pri la Nova Ordono de Jesuo

Malfermo

Kolekto de Pensoj de Paiva Netto

Biografio

TRAKTAĴO PRI LA NOVA ORDONO DE JESUO

La Spirite Revolucia Plejalta Ordono de la Dia Majstro reprezentas la apartan trajton de la Religio de Dio, de la Kristo kaj de la Sankta Spirito¹, fundamento de ĉiuj ĝiaj agadoj por spirita, socia kaj homa antaŭenigo, per la forto de Frata Amo, kiun Li alportis en la mondon.

Instruis Jesuo, la Ekumena Kristo, la Dia Ŝtatestro: "¹³:³⁴ Novan Ordonon Mi donas al vi: vi amu unu alian, kiel Mi vin amis. ¹³:³⁵ Nur per tio ĉiuj homoj scios, ke vi estas miaj disĉiploj, se vi havos la saman Amon unu al alia.

¹⁵:⁷ Se vi restadas en mi, kaj miaj vortoj restadas en vi, petu kion ajn vi volos, kaj tio estos farita por vi. ¹⁵:⁸ En tio mia Patro estas glorata, ke vi donas multe da frukto; kaj vi estos miaj disĉiploj.

¹⁵:¹⁰ Se vi observos miajn ordonojn, vi restados en mia Amo tiel same, kiel Mi observis la ordonojn de mia Patro kaj