Sgeul nan Eilthireach a dh’fhalbh à Beàrnaraigh na Hearadh

By Pàdruig MacIlleChiar

Gàidhlig (Scottish Gaelic) translation of 'The Story of Emigration from Berneray, Harris' by Peter Kerr. Published by Comunn Eachdraidh Bheàrnaraigh/Berneray Historical Society 2012

• Language: Gàidhlig
• Publisher: Pàdruig MacIlleChiar
• Release date: Nov 23, 2012
• ISBN: 9781301853823

Pàdruig MacIlleChiar

...island poet reclining on a seaweed-upholstered chaise longue of gneiss... Pàdruig MacIlleChiar lives and works in Berneray in the Sound of Harris within sight of where his ancestors lived and worked a quarter of a millennium ago. He is a member of the Uist Writer's Group and on the committee of Uist Arts Association at Taigh Chearsabhagh Museum and Arts Centre in Lochmaddy, North Uist, where he also coordinates and presents a monthly live music event, Taigh Ciùil. His first book, published simultaneously in the Gàidhlig (Scottish Gaelic) translation available here and in a printed edition in the original English, has had more than three hundred and seventy downloads which is "...a great achievement in terms of Gaelic books..."

Book preview

Sgeul nan Eilthireach a dh’fhalbh à Beàrnaraigh na Hearadh

Pàdruig MacIlleChiar

Comunn Eachdraidh Bheàrnaraigh

Smashwords Edition

A' tilleadh ar n-eachdraidh dhachaigh

Copyright 2012 Pàdruig MacIlleChiar/Peter Kerr

The printed English edition is available direct from the publisher

Smashwords Edition, Licence Notes

Thank you for downloading this free ebook.

Although this is a free book, it remains the copyrighted property of the author, and may not be reproduced, copied and distributed for commercial or non-commercial purposes.

If you enjoyed this book, please encourage your friends to download their own copy at Smashwords.com.

Thank you for your support.

Clàr-innse

Ro-ràdh

Caibideil 1 Beagan fiosrachaidh mu Bheàrnaraigh

Caibideil 2 Na daoine a bu tràithe a dh’fhalbh

Caibideil 3 Beàrnaraigh a rèir Uilleam Bald

Caibideil 4 Imrich tràth san 19mh linn

Caibideil 5 Cruaidh-chàs na Ceilpe agus Gaiseadh a’ Bhuntàta, 1834 - 54

Caibideil 6 Rannsachadh nan daoine a dh’fhalbh air an Royal Albert ann an 1855

Caibideil 7 Croitearachd agus Strì an Fhearainn

Caibideil 8 Imrich tràth san fhicheadamh linn

Caibideil 9 Imrich eadar an dà chogadh mòr

Caibideil 10 An dèidh a’ chogaidh

Caibideil 11 Co-dhùnadh

Earr-ràdh Àireamh-sluaigh 1861 – 1911

Leabhar-chlàr

Buidheachas

Ro-ràdh

Leis an leabhran seo, thathar an dùil sealladh a thoirt dhan leughadair de na gluasadan gu tìrean cèine a thachair ann am fear de dh’Eileanan Siar na h-Alba thar an dà cheud gu leth bliadhna a dh’fhalbh.

’S e geàrr-chunntas a th’ ann de phròiseact, A’ tilleadh ar n-eachdraidh dhachaigh, a mhair 1,000 uair a thìde, sgaoilte thar 68 seachdain.

Bha co-labhairt air an eilean aon latha san Lùnastal 2012 air a’ chuspair Rannsachadh Sgeul nan Eilthireach a dh’fhalbh à Beàrnaraigh, agus bu mhath leam taing a thoirt dhan Ollamh Marjory Harper à Oilthigh Obar Dheathain a chuir ris an latha gu dealasach.

Ann an leithid seo de leabhran, a’ dèiligeadh ri àitichean agus amannan anns nach robh mòran fiosrachaidh sgrìobhte, agus far am feumadh teisteanas a tharraing ri chèile à beul-aithris agus a leithid, chan eil dòigh air mearachdan, beàrnan is uireasbhaidhean a sheachnadh gu buileach. Is mise as coireach dhaibh uile.

Pàdruig MacIlleChiar

An t-Sultain 2012

Bu mhath le Comunn Eachdraidh Bheàrnaraigh taing a thoirt do Mhàiri Anna NicDhòmhnaill airson an Ro-ràdh seo agus an Clàr-innse eadar-theangachadh.

Taing cuideachd do Chatriona Mhoireach airson an còrr dhen leabhar eadar-theangachadh.

Caibideil 1 – Beagan fiosrachaidh mu Bheàrnaraigh

’S e eilean a th’ ann am Beàrnaraigh na Hearadh. Tha mu cheithir mìle ceàrnagach de dh’fharsaingeachd ann, agus tha e na laighe ann an Caolas na Hearadh, faisg air Uibhist a Tuath, aig cridhe Innse Gall no nan Eileanan Siar.genitive

Nuair a sheac an deigh às na h-eileanan, o chionn timcheall air 10,000 bliadhna, bha àirde na mara ’s dòcha 10 meatairean na b’ ìsle na tha sin an-diugh. Faodaidh sinn a bhith cinnteach nach b’ fhada gus an tàinig daoine a dh’fhuireach a Bheàrnaraigh.

Bha na daoine sin nan sealgairean-tionail, agus chan eil mòran fianais air fhàgail dhen dòigh-beatha aca, ach o chionn timcheall air 6,500 bliadhna bhiodh tuathanachas