SPESIALE FOKUS ONS SKOLE
AS jy van Reddersburg in die Vrystaat die wye wêreld ingestuur word, het jy meer as ’n sertifikaat in die hand. Jy verdien waarskynlik reeds ’n inkomste en staan met jou kop vol sakesomme in die wolke, maar met jou voete stewig op die grond.
Die kweek van landbou-entrepreneurs is een van die suksesverhale in die 160-jarige geskiedenis van die Landbouskool Hendrik Potgieter op Reddersburg, sowat ’n uur suid van Bloemfontein. Die skool, algemeen bekend as Lanties, is op 13 Februarie 1864 gestig.
Altesaam 29 wolklasseerders en ses skeerders van die skool het vanjaar aan die tweede jaarlikse skeer-en-wolklasseringskompetisie in Bloemfontein deelgeneem. Die wenners van die afdelings vir ervare klasseerders en beginner-skeerders, onderskeidelik Genevieve Cola en Schalk van Niekerk, verdien reeds ’n inkomste in hul vrye tyd met die vaardighede wat hulle by die skool slyp.
Die byeenkoms het ook die skeerlitte losgemaak vir Lanties se deelname aan die interskolekompetisie tydens die nasionale skaapskeerkampioenskap