TWEE susters kan mekaar nie verdra nie. Pa het Ma gelos vir ’n jong blonde bom. Ma word daarvan beskuldig dat sy haar dogter se kêrel afgevry het.
Dit klink na die gedrag van daai mense onder in die straat met wie jy nie wil hê jou kinders moet meng nie. Maar nee, dis ryk en beroemde mense wat so optree. Die gesinslewe van die Cyrus-familie, bestaande uit pa Billy Ray Cyrus (62), sy eksvrou, Tish (56), hul dogters, Miley (31) en Noah (25), het meer drama as die smerigste telenovelle.
Dis nie die eerste keer dat die Cyrusse in die nuus is nie, maar dit was duidelik daar broei weer moeilikheid toe Miley by vanjaar se Grammys haar trofee vir beste solo-popoptrede ontvang het en ’n punt daarvan gemaak het om Billy Ray nie in