Risikobestuur
SEDERT ’n hewige en ongekende haelstorm op 28 Desember verlede jaar meer as 100 stuks kleinvee op sy plaas Annandale, tussen Britstown en Strydenburg in die Noord-Kaap, laat vrek het, het Urbanus Botha vasgestel dat van die oorblywende skape só beseer is dat hul wol en vleis óók afgetakel is.
Hy is een van vyf Karooboere wat skade gely het. Na verneem word, is nagenoeg 800 stuks vee altesaam verlore.
Botha het op die betrokke dag 200 mm reën gehad. Van sy bure het ná afloop van die storm gesê hulle voel te midde van vele vrae “deurmekaar, magteloos, verward en slaap skaars”.
“Ons het in my leeftyd nog nooit soveel reën op een slag gehad nie. In die 20 minute wat die hael neergekom het, het daar seker 160 mm uitgesak. Die digtheid van die