Die kortgat-driedeur-Suzuki Jimny het deur die jare ’n kultusstatus opgebou as ’n kanniedood-veldryer wat nie ’n fortuin kos nie. Sy kort asafstand, AllGrip-4x4-stelsel met ’n laestrekratkas én ’n leerraamonderstel wat alles saam skaars ’n ton weeg, het die karretjie se eienaars nogal ’n wintie houding gegee wanneer dit by veldry kom. Ek weet, want ek het self ’n olyfgroen ene in my garage.
Met die Jimny se ougatgeit skort niks nie, maar die motor het sy tekortkominge. Die 1,5 ℓ-enjin laat jou hard en lank beplan as jy op die N1
