Mobi Lodge Manufacturing, wat die gewilde Continental-vlagskipmodel en X-intreevlakmodel vervaardig, het nou ook die Mobi XL bekend gestel.
Dié wa pas netjies tussen eersgenoemde twee; ’n mens kan amper sê hy is ’n X wat opkikkers ingejaag is. Die Mobi XL is langer as sy kleinboet, is ruimer binne met meer plek om te beweeg, en hy het meer pakplek – daar’s selfs ’n eethoekie.
Opslaantyd
Met opslaantyd moet jy eers die agterste hoekstutte afswaai voordat jy die kas uittrek. As jy dit nié doen nie, sal die gewig van die kas en noodwiel agter veroorsaak dat die wa se stert afdruk grond toe. Die wa het net hoekstutte agter, maar staan nietemin stewig. Die neuswiel se skagarm is aan die wa vas. Die wiel sak eers af en dan slaan die binnedeel van die arm af grond toe. Die waterpas bo-op die A-raam help jou om jou wa mooi gelyk staan te maak.
Vier knippe hou die kas in plek. As ekstra maatreël om te keer dat die kas in