VELSORG
HET OLIERIGE VEL BEVOGTIGER NODIG?
“As jou vel olierig is, vermy jy dalk die gebruik van bevogtiger in ’n poging om die vorming van olie op jou vel te probeer beheer,” sê dr. Judey Pretorius, ’n biomediese wetenskaplike en produkontwikkelingspesialis van Pretoria. “In werklikheid het selfs olierige vel beslis bevogtiging nodig om olieproduksie te help reguleer. Om jou vel nie te bevog nie kan dit meer olie laat vorm om dit self te hidreer. Kies ’n niekomedogeniese bevogtiger met ’n ligte tekstuur wat nie swaar voel op die vel nie. ’n Bevogtiger met hialuronsuur is ’n ideale opsie vir alle soorte vel omdat dit natuurlik in die vel gevind word