VOORUITSKOUING Vrugte
Hoewel die appel- en peerbedryf sedert 2021 vele struikelblokke trotseer, glo Roelf Pienaar, besturende direkteur van Tru-Cape Fruit Marketing, nes die meeste belanghebbendes in die vrugtebedryf, daar is rede om versigtig optimisties te wees dat dit aan die verander is.
“As ons in ag neem hoe die vloei van vrugte en vraag uit die Verre en Midde-Ooste tans is, lyk dit na ’n gunstige prentjie. Voorraadvlakke in Europa is tans ook onder beheer, al kan faktore soos die wisselkoers en politiek dié prentjie verander. Soos sake nou staan, verwag ons egter dat die eerste ses maande van vanjaar gunstig gaan wees.”
Hoewel dit nog baie vroeg in die seisoen is, word ’n normale oes verwag. “Terugvoer sover vanaf Elgin, Grabouw, Villiersdorp en Vyeboom is dat volume ietwat laer kan wees ná twee goeie oeste daar.”
Debbie Schreuder, bemarkingsbestuurder van die De Keur-groep, is ook optimisties. “Ons verwag ’n goeie jaar wat produksie betref. ’n Mens hoop altyd op ’n groter oes, maar ons is dankbaar vir waar ons nou is vergeleke met die minder tonne van verlede jaar.”
Die prentjie vir die appel- en peerseisoen lyk rooskleurig. “Dit sal goed wees as die sektor kan saamstaan en nie sterk markte met
