Sagina subulata
Ierse mos is ʼn immergroen meerjarige plant wat ʼn digte tapyt vorm met soms klein rondings wat nie net mooi is om na te kyk nie, maar ook sag en kussingagtig is om op te loop. Die ryk smaraggroen loof groei net ʼn paar sentimeter hoog, maar kan ongeveer 30 cm of meer uitsprei. Dit lyk baie soos ʼn mos (soos baie van sy volksname aandui) maar is eintlik ʼn lid van die angelierfamilie, Caryophyllaceae.
Piepklein wit blommetjies verskyn van die lente tot die somer aan reguit stingels van sowat 3 cm hoog wat die tapyt in ʼn miniatuurweiland omskep. Dit lyk dalk delikaat, maar kom gou weer regop nadat daarop geloop is. Die plant maak ʼn goeie beddingrand uit, versag rotse, is ʼn minsorggrondbedekker vir ʼn minimalistiese tuin, vaar ook goed in potte en jy sal dit dikwels in feetjietuine aantref.
Dit vaar goed in koel, droë toestande en is koue-en (Skotse mos) vir ʼn lemmetjiegroen alternatief.
